Rosalía, a pulga que escribía

Datos do espectáculo

Título: Rosalía, a pulga que escribía
Compañía: Galitoon
Clasificación: Teatro infantil / Monicreques

Este espectáculo pertence a Rede Galega de Teatros e Auditorios.

Data e lugar da estrea: Feira Galega AA EE (S. de Compostela), 21/10/09

Duración: 45 min
Público: Infantil
Idade: A partir de 2 anos

Ficha artística

ampliar
orixinal

Autor: Andrea Bayer
Dirección: Andrea Bayer, Santiago Alonso
Escenografía: Begoña Paz, Santiago Alonso
Son: Dani Abalo
Iluminación: Dani Abalo
Vestiario: Lola Gómez

Elenco artístico / formación:

Santiago Alonso

Rogelio Lema

Despois das exitosas Golulá e Babiliglub, a produtora afincada en Teo presenta un espectáculo no que incorpora á súa disciplina outra técnica de manipulación: monicreques sobre mesa.

Galitoon continúa así coa súa constante experimentación. Por iso, nesta nova peza cambia de estilo no deseño de arte e cambia a técnica de manipulación sen esquecer o seu selo propio e característico baseado en contidos intelixentes, plasticidade impactante e musicalidade.

Sinopse:

Había unha vez, unha pulga moi, moi pequena: Rosalía.

Rosalía escribe unha carta cada día. Métea nun sobre, ponlle un selo e mándaa por correo. Bruno, o Canguro, un carteiro moi especial, encárgase en persoa de levarlla ao seu destinatario.... e lerlla:

Á señora Toupa porque non ve.

A dona Xirafa porque perdeu as gafas.

Á ovella porque non sabe ler.

E a Mr Elefante porque só sabe ler en inglés.

O contido da carta é unha invitación:

O MARTES 3 ÁS 10 UNHA FESTA NA CASA DE ROSALÍA.

Todos reciben unha carta, todos, menos Bruno, o Canguro.

Por que?

Porque é unha  festa sorpresa para el!