Capitán Furilo
Datos do grupo
Capitán Furilo
Estilo/s:
Rock
Representante:
Rafael Martínez
Enderezo: Azorin nº 9 3º C
E-mail:
ocapitanfurilo@gmail.com
Páxina web:
http://www.capitanfurilo.com
Teñan coidado aí fóra!!
Así avisaban na mítica serie "Canción Triste de Hill Street".
A coincidencia e o gusto polas series televisivas dos oitenta fixo que xa hai xa tres anos Miki e Óscar se encontraran en Dublín e decidiran formar Capitán Furilo.
A banda debuta en directo na mítica Iguana Club de Vigo o 1 de xuño do 2007, tras diversas réplicas, o grupo queda finalista no primeiro concurso N´saio organizado pola Consellería de Xuventude, que terá como consecuencia a participación nun disco colectivo con todos os finalistas do concurso.
A pesar da súa breve existencia, Capitán Furilo edita unha maqueta de catro temas no 2007 e participa en proxectos de música feita en galego, cunha clara filosofía de difusión libre, como o disco recopilatorio Escolma ou plataformas da rede como Komunikando ou A Regueifa.
No ano 2008, autoeditan a POP ?, un cd gravado nos Estudios Océano de Nigrán coa complicidade de Javier Abreu e Gabriel Reigosa. Cinco temas que saben a pouco pero que achegan unha nova sensibilidade a hora de facer cancións en galego de POP con maiúsculas.
Dende comezos do verán están a gravar nos Estudios Elite de Vigo o que será o seu primeiro "longa duración" e que se editará en novembro. As novas cancións recollen a enerxía e atitude que califica o sonido furilo, melodías directas e rock en galego.
Compoñentes:
Óscar T.: batería e percusión.
Mikel P.: guitarra e voz.
Mon S.: baixo e voz.
Rafa M.: guitarra e voz.
Influencias: Resentidos, Rolling Stones, Police... entre outros mil douscentos grupos e solistas.
